اردت اليوم ان اقدم لكم مجموعة من الامثال الجزائرية كل منكم يختار المثل الذي يعجبة
*الي دارها بيديه ايحلها بسنيه.
*جاء يسعى، ضيع تسعة.
*هرب من قاطعي اليدين، طاح في قاطعي الريسان.
*جاء يكحللها اعماها. بمعنى أراد ان يضع لها الكحل في عينيها حتى افقدها البصر
*من لحيته وبخر له.
*دعوة بلا ذنوب في رأس ملاها تذوب.
*شوي من الحنة وشوي من رطابة ليد
*يد وحدة ما تصفق
*العود الي تحقره يعميك
*تخطي راسي وتفوت.
*غطى الشمس بالغربال.
*دار النساء والقصعة يابسة.
*ما يبقى في الواد غير حجاره
*يا مسك أنا ما نحبك بصح (ولكن) ميت من همك
*الفم المغلوق ما تدخله ذبّانة (ذبابة)
*ما يحس بالجمرة غير الي عافس عليها.
*يدير من الحبة قبة (المبالغة)
*ياكل الغلة ويسب الملة.
*اللي يديه في الماء مشي كيما اللي يديه في النار.
*يستاهل زوار مرته
*اللي ذاق البنة ما يتنهنى.
*الضيق في القلوب.
*الضيف ضيف ولو يقعد الشتاء والصيف.
*خفيف الاقدام يتعاف واو كان وجهه مرايا
*أخدم باطل ولا تقعد عاطل.
*شحال من قبة تنزار ومولاها في النار.
*اللي ماهو ليك غير يعييك.
*حماري ولا عود الناس.
*حج وشرب من زمزم و جاء للبلاء متحزم.
*ازرع ينبت.
*يفنى مال الجدين و تبقى حرفة اليدين.
*فوت على الواد الهايج وما تفوتش على الواد الساكت.
*دير كي جارك و لا بدل باب دارك.
*العبد في التفكير والرب في التدبير
*اللي يحب شباح ما يقول آح
*دير الخير و انساه و دير الشر واتفكره
*مول التاج ويحتاج
*يا قاتل الروح وين تروح
*كول أللي يعجبك و البس للي يعجب الناس
*مول الفول يقول طياب
*اللي فات زمانه ما يطمع في زمان الناس
*وين يبان خيطك في البردعة
*من عندي ومن عندك تنطبع و إلا غير من عندي تنقطع
*واش يدير الميت في يد غسالو
*زواج ليلة تدبيرتو عام
*الي في كرشه التبن يخاف من النار
*عندما تتعمر البطن تقول للراس غني
*الي فايتك بليلة فايتك بحيلة
*كثير لصحاب يقعد بلا صاحب
*اللي عنده غول شا يقول
*مازال مادخلناش قبرك يا عزرائيل
*شوية من الحنة و شوية من رطوبة اليدين
*الي ربطها بيديه يفكها بسنيه
*كل خنفوس في عين يماه غزال